Indya Bestsellers

[diipendu]

Indya Bestsellers | Thu
http://i72.servimg.com/u/f72/11/12/24/05/indya10.jpg

The best of best short story collection with a mixture of texture of entertainment. Indya bestsellers presenting Romance, thriller, drama & horror in short episodeic candy flow. All colours of best of best indian general hindi entertainment fictions...
______________________________

Concept -diipendu dutta

Produced by - diipendu dutta

Pictures by - S-Creations Motion pictures

Promotions link in - Serial killer promo thread (http://forum.indya.com/showthread.php?t=97075)

Disclaimer - Dear viewers, this whole concept deals or not copied from any other stories so before any arugument plz ensure ur details. Except producer, Forum and no member will be responsible for this thread.

______________________________________________

[diipendu]

http://img392.imageshack.us/img392/6129/gggkt2.gif

[diipendu]

Dear viewers,
Do watch indya bestsellers... all new short and light stories presenting 1st time on internet stories wid an aim 2 give you d best entertainment. It is more than an entertainment so keep checking this thread !

regards,
S creations

[crYstal_in_love]

Dear viewers,
Do watch indya bestsellers... all new short and light stories presenting 1st time on internet stories wid an aim 2 give you d best entertainment. It is more than an entertainment so keep checking this thread !

regards,
S creations

hmmm seems intresting !

but i found a news abt yeh pyaar tuney kya kia dat u presenting it wid some old style pictures ??? :confused:

[aaakjj]

Wow..really i've checked pormos in Promo thread .. n waiting for it.........:).

[crYstal_in_love]

Indya bestsellers is all set 2 go on air frm 4th of dec. and Promos getting more intresting hope episodes will proove its best 2 ! After replacing karam Ib, des, xplosion getting gud views and now we r waiting for 4th dec. how Ib match 2 in its pitch and how it fulfill d hope of forum viewers :)

[diipendu]

Ek choti si Aasha...
------------------

Yeh kahaani hai, dhara ki. Dhara 8 saal ki, ek chote se sheyher mein dhara apni maa ke saath rehti thi. Uske pita ab ees duniya mein nahi thhey eseliye dhara ki zimmedari uske maa par thi.

Dhara ki maa janvi. Janvi job karti thi aur poori koshish karti thi ke woh dhara ke har sapno ko pura kar sakey aur eseliye janvi bahut mehnat kar rahi thi.

Dhara hamesha khud mein doobi rehti. Hamesha har chizo ko bahut dhyaan se observe karti rehti thi.

Aaj dhara ki maa hamesha ki tarah shaam ko office se ghar louti thi. Janvi ne dekha ke dhara kuch khoi-khoi si hai. Os se poochne par dhara ne apne sawaalon ki potri janvi ke saamne rakh diye aur janvi hamesha ke tarah phir se oske sawaalon mein olajh gayi.

Dhara ne janvi se poocha ke-

Dhara : mere baaki friends ke ghar bahut badey hain aur unke parents hamesha onke liye expensive gifts laate hain tou aap mere liye kabhi koi gift kyun nahi laate ?

Janvi dhara ko pyaar se samjhate hue kehti hai-

Janvi : woh beta... unke mummy-daddy onke liye gift zaroor laate hain magar jo parents itney expensive gifts dete hain na woh kabhi bhi apne bachho ko utna pyaar nahi karte...

Dhara : magar ?


Ees se pehle dhara phir se apne sawaalon ki train shuru karti janvi jaldi se kitchen mei chali gayi dinner tyaar karne.

Agle din pata chalta hai ke pados mein koi naye couple aaye hain rehne '
Mr. & Mr. dixit '.

------------
Mr. dixit apne naye ghar ke andar gayye peechey mrs. dixit bhi jaa rahi thi ke tabhi mrs. dixit ne ek pyaari si, masoom si bachhi ko dekha. Woh dhara thi.

=================
Mrs. dixit dhara ko bula rahi thi magar achanak dhara wahaan se chali apne ghar ke taraf chali gayi magar jaate hue woh apne ek best friend neha se takra jaati hai.


Dhara : arre neha, tu kahaan thi ? maine tujhe kitnaa dhunda tu nahi mili ?...

Neha : pata hai, main aaj se apne naye school jaa rahi hoon !... ( khush houte hue )

Naye school ke naam ko sunkar dhara chaukte hue bol uthi -

Dhara : kya ! naya schooool ?... kaisa yeh naya school ? hamaare school jaisa ?

[diipendu]

Naye school ke naam ko sunkar dhara chaukte hue bol uthi -

Dhara : kya ! naya schooool ?... kaisa yeh naya school ? hamaare school jaisa ?

Neha : nahiiii, naya school mein bahut kuch hai... bahut saare toys, bahuttttt badaa garden...

Dhara : woww...

Dhara : ( mann mein sochte hue ) kaash agar main bhi naye school mein jaa sakti :(

Dhara : idea !

Neha : kaisa idea ?

Dhara wahaan se apne ghar ke taraf bhaagte hue apne maa ke paas jaati hai.

-------------
Maa maa = ( dhara apne maa ko bulate hue )
-------------

Janvi : kya hua ?

Dhara : maa, mujhe naye school mein admission dila do na ?...

Janvi : naya school ? achanak se tujhe naya school jaane ki kaise sujhi ?

Dhara : maa pata hai aaj main neha se mili thi... woh naye school mei jaati hai... osne mujhe bataya ke wahan bahuttttt saare toys hain, wahaan bahuttt sundar badaaaa sa garden hai...

Dhara : maa, mujhe bhi naye school mei jaane do na ? wahaan neha bhi hogi ?

Janvi dhara ko haan nahi keh sakti thi kyunki jis school mein dhara jana chahti hai oos school ka fees bahuut zyada tha. Wahaan sirf badey lougon ke bachhon ko admission milta hai.

[diipendu]

Achanak Janvi ki tabiyat kharaab houne lagti hai. Janvi behosh hou jaati hai.

Aas-paas ke padosi milkar janvi ko hospital mein shift karte hain. Zindagi Janvi aur Dhara ke liye agle kuch hi minute o mein sab kuch badal dene wali thi jab doctor janvi ko bahut afsos ke saath yeh baat batate hain ke janvi ko brain tumour hai aur janvi ke paas sirf 3 mahine hain.

Yeh baat sirf ek baat na thi janvi ke liye balki yeh oske liye ek keher se kam na tha jo ospar bijli bankar girr chuki thi. Magar esmei oos masoom ki kya galati thi jisne abhi duniya ko apne nanhe aankhon mein theek se sanjoya bhi nahi tha ?

Janvi ko kuch samajh mein nahi araha tha ke woh een baaton ko kaise accept karey aur sabse badi baat tou yeh thi ke woh apne beti ko ees baat ka kaise yakeen dilaaye, kya karey aur kya na karey ?

Janvi hospital se ghar lout ati hai. Yakeen tou abhi bhi nahi araha tha ke Janvi ki zindagi oska saath sirf teen mahino tak hi nibha payegi magar phir oske baad dhara ka kya hoga ?

Janvi apne ghar mein andhere mein beith kar yehi soch rahi thi ke oske baad dhara ka kya hoga ? kaise jiyegi dhara apne maa ke bina ? Tabhi darwaaze par koi dastak deta hai. Janvi uthti hai aur jakar darwaza kholti hai. Darwaze ke khulte hi oos andhere kamre mein roshni hou jaati hai. Bahar mrs. dixit aayi thi janvi se aur uski beti dhara se milne.

-------------
Janvi : arey aap ? aap tou pados mein naye-naye aayein hai na ? aayiye andar aayiye !...

Mrs.dixit : apki beti dhara kahin nazar nahi arahi hai ?

Janvi : woh andar padhai kar rahi hai...

Mrs.dixit : bahut hi pyaari bachii hai...

Mrs.dixit : woh actually... aaj jab maine dhara ko dekha tou woh mujhe bahut apni si lagi aur apse ek such baat batau ?... woh main yehaan actually dhara se hi milne ayi thi... osmein mujhe apni beti mansi ki jhalak nazar ati hai...

Mrs.dixit bahut emotional houkar apne zindagi ke oon saare baaton ko janvi se share karti hai jab osne apne beti mansi ko ek accident mein kho dia tha aur tab se lekar ab tak mrs.dixit oos din ko abhi tak nahi bhula paayi hain.

Yehi sunnkar Janvi ko ek khyaal ata hai. Shayad ees waqt janvi ek maa ke tarah soch rahi thi apne beti ke future ko secure karne ke liye aur esi wajah se janvi ne mrs.dixit ko apne bimaari wali baat bata di. Janvi ne mrs.dixit ke saamne Dhara ko adopt karne ki baat bhi ki.

Mrs.dixit ko aisa lag raha tha ke jaise onhe mansi phir se dhara ke roop mein milne waali thi. Mrs.dixit ne osi waqt haan keh dia.

Mrs.dixit ne yeh baat apne pati ko bhi bataya tou pehle Mr.dixit ne bahut mana kia magar mrs.dixit ne onhe bahut request kia phir akhir mein woh bhi maan gayye thhey.

===============
Samay na hi kisi ke liye rukta hai na hi yeh pata chalne deta hai ke kis tarah woh beet chuka hai. Eesi tarah 2.5 mahine beet gayye aur aaj Dhara apne maa se bichhar kar bahut doorr jaa rahi thi. Mr aur Mrs.dixit Mumbai shift hou rahey thhey. Janvi ne aaj Dhara ko akhri baar dekha aur osey alvida keh dia.

-----------
Dhara apne naye mata-pita ke saath mumbai chali gayi. Edhar doctor ne janvi ko zaroori treatment ke liye dusre sheyher mein jaane ko kaha. Janvi shaam ke bus se dusre sheyher jaa rahi thi ke

Achaanak !

[diipendu]

Achaanak !

Janvi jis bus mein jaa rahi thi oos bus ka accident hou jata hai. Kismat ka yeh kaisa khel tha yeh tou samajh pana bahut mushkil tha. Magar yeh kahani yehin khatam nahi thii...

20 saal baad...

Mumbai

Aaj Dhara Dixit sirf ek naam nahi balki woh ek bahut badi singer hai.

Dhara ko apni beetey zindagi sabkuch dhundli si dekhayi deti thi magar ab bhi woh chehra kahin na kahin yaad zaroor ata tha.

Aaj dhara ka bahut bada concert hai.

Scene : Dhara ne stage par kadam rakha.

Udhar hospital mein ek patient jo peechle 20 saalon se behosh thi osey aaj hosh aya.

Edhar dhara gana gaa rahi thi aur udhar woh patient jaldi se uth jaati hai. Osey kuch yaad sa ata hai-" Dhara "...

Woh patient koi aur nahi Janvi thi jiska 20 saal pehle accident hua tha magar kismat ne aise palti maari ke waqt ke saath-saath poori zindagi hi badal gayi. Saare aashaye kahin kho si gayi hain... kahaan hai woh ? kuch khabar nahi...

Janvi jaldi se apne beti ko dhundne ke liye nikalti tabhi oski nazar ayene par padi jispar osne khudko dekha ke waqt ab pehle jaisa nahi raha tha. Waqt ke saath ab chehre bhi badal gaye thhey aise mein woh kahaan dhunde apne dhara ko ?

Agar janvi ke paas kuch tha tou woh sirf ek naam- dhara...
Janvi mumbai pahuch jaati hai apne beti dhara ko dhundne ke liye. Mumbai ke mushkil raahon se thak-haar kar ab woh kahin beith gayi tabhi osey pata chalta hai ke oski beti Dhara ab ek bahut badi singer hai "Dhara Dixit". Shayad itne zulmon ke baad kismat thodi meherbaan ho gayi thi. Janvi ek concert mein pahuch jaati hai jahaan aaj dhara aaney waali thi magar mann mein ek toofan sa tha ke kya dhara osey pehchanegi ?


====================
Chahe jo bhi ho, janvi ek koshish zaroor karna chahti thi aur bahut mushkilon ke baad wahaan se dhara guzar rahi thi jahaan bahut bheer thi aur osi bheer mein oski maa janvi thi jo apne beti se milne ki aas rakhi hui thi. Dhara ki nazar ek baar janvi par padti hai aur woh soch mein padd jaati hai ke yeh chehra kuch jaana-pehchana sa lagta hai... magar phir bhi yeh koi apna sa lagta hai... Janvi wahaan saamne aati hai magar dhara osey pehchaan ne se mana kar deti hai.

Janvi ki poori ummedey toot jaati hain. Beekhar jate hain sab sapne aur onhi toote hue sapno ke saath janvi wapas chali jaati hai.

----------------
Scene : Janvi ko ab oos train ka intezaar tha jo osey yehaan se, apni beti dhara se doorr ley jaata...


Magar janvi ko yeh pata na tha ke agle kuch minuton mein zindagi ek aur mourr lene waali thi. Shayad yeh bhi kismat ka koi khel tha ke ek choti si asha abhi bhi thi ke sab thik hou jayega...


=================
Achanak dhara ko yaad ajata hai. Dhara ko woh sab kuch yaad ajata hai aur woh wahaan se apne maa Janvi ko dhundne ke liye nikal jaati hai. Yehaan train platform par achuki thi aur janvi train mein beith gayi thi. Train ab jaaney hi waali thi.

Dhara ne poori koshish ki apne maa janvi ko dhundne ke liye magar woh kahin nahi thi.

Train ab jaane ke liye tyaar thi. Janvi ne khudko jaise-taise samjha lia ke ab kuch bhi pehle jaisa nahi hou sakta hai...

Achanak peechey se koi ata hai aur janvi ko galey laga leta hai. Janvi dekhti hai tou woh "Dhara" ko apne beti ko saamne paati hai.



Dono osi train se wapas osi sheyher chaley jaate hain jahaan se yeh kahaani shuru hui thi.


.

[diipendu]

Masoom
---------------------

Playground, jahaan bahut saare bachhe khel rahey thhey wahin mohit ek 8 saal ka bachha chup-chap sa beitha tha. Oske parents osey wahan lene aaney hi waale thhey ke ghari mein shaam ke 5 bhi bajjne hi waale thhey magar mohit hai ke woh chup tha. Osey koi parwa hi nahi ke oske dost wahaan khel rahey hain aur woh chup-chaap sa beitha onhe dekhe jaa raha tha ke Tabhi achaanak se speed mein ek car wahaan aakar rukti hai aur mohit ko ek aadmi kidnap kar leta hai.

Mohit abhi bhi chup sa beitha hai.

Woh kidnapper wahaan se speed mein car ko bhagata hai aur wahaan se chala jata hai. Oos playground mein kuch loug ees baat ko dekh lete hain aur unko shakk hota hai.

20min baad wahaan mohit ke parents pahuchte hain apne bete ko lene magar unka beta mohit playground mein kahin nahi milta. Mohit ke parents bahut pareshaan hou jaate hain aur tabhi playground mein jo loug thhey onmei se kuch loug aakar mohit ke parents ko saari baat batate hain. Yeh soonkar mohit ke parents ke saasein rukk jaati hai woh jald-se jald police ko complain karte hain.

Udhar woh kidnapper car drive karte hue bahut deyr se oos bachhe ko notice kar raha tha. Woh bachha tab kuch bhi nahi bola jab osne oosey kidnap kia aur 3hrs. baad bhi woh kuch bhi nahi bol raha hai...

Oos kidnapper ko idea ata hai kyun na osey kisi hotel mein lunch kara dey tou shayad ees se woh khush ho jayega aur agar woh bachha khush rahega tou oske liye koi tension create nahi karega.

Woh kidnapper jaldi se ek hotel ke saamne car ko roukta hai.

Scene : Mohit ke saamne khaana rakha gaya magar woh nahi kha raha tha.

Kidnapper : beta tumhara naam kya hai ?

Mohit oos kidnapper ko dekhe jaa raha tha-

Kidnapper : kya hua tumhe bhook nahi lagi hai ?

Mohit oos kidnapper ke paas ata hai aur osey zorr ka kheech kar ek jhaapar maarta hai.

[diipendu]

Kidnapper : kya hua tumhe bhook nahi lagi hai ?

Mohit oos kidnapper ke paas ata hai aur osey zorr ka kheech kar ek jhaapar maarta hai.

Oos kidnapper ko bahut gussa ata hai magar woh khudko shaant kar leta hai aur oos bachhe ko lekar wahaan se nikal jata hai.

2hrs Later...

Udhar mohit ke parents police mein complain kar dete hain. Police saarey check-points ko alert kar dete hain ek blue car jiska no.plate ka no. hai MH-xyz.

Edhar woh kidnapper ek jagah par car roukta hai. Saamne ek married couple ki car thi jinmein woh loug apne bachho ke saath kahin jaane ke liye nikal hi rahey thhey.

Woh kidnapper wahaan mohit ke saath ata hai oos couple se request karta hai ke woh onhe kuch doorr aagey tak lift de dey. Woh couple maan jaate hain-

Scene : woh couple front seat par beithe thhey unke bachhe back seat par thhey aur oon bachho ke saath woh kidnapper mohit ke saath wahin betha tha.

Car mein sab kuch sahi tha tab tak jab tak car mein radio on nahi hua tha.

Radio mein yeh baat announce ho raha tha ke ek bachha jo blue colour ka t-shirt, black pant aur uske haath mein ek mobile design ki watch. Woh bachha 8 saal ka hai jisey kisi ne kidnap kar lia hai. Yeh sab baatein kaafi thi oos couple ko oos aadmi par shakk karne ke liye jisne unse abhi-abhi lift lia tha.

Woh couple peechey murrkar dekhte hain toh oos kidnapper ne oonke bachho par gun target kar dia tha. Woh couple apne bachho ke saath sara saaman lekar car se utar jaate hain.

Mohit : wow ! yeh tou bahut hi achha game tha... uncle hum phir se khele ?

Mohit ka yeh andaaz dekhkar woh kidnapper thoda confuse ho gaya tha.

5HRS. AUR EESI TARAH BEET JAATEY HAIN.

Ab tak woh kidnapper aur mohit bahut achhe friends bann chukey thhey. Mohit ke aas-paas jo kuch bhi ho raha tha mohit osey enjoy karne laga tha. Osey apne boring si zindagi se yeh zindagi bahut achhi lagne lagi thi aur een sabka credit woh oos kidnapper ko maanne laga tha.

-----------------------

Dopeher ke lunch mein oos kidnapper ka aur mohit ka jhagra zaroor hua tha magar shaam ko ek pani-puri stall par dono friends ke tarah pani-puri enjoy kar rahey thhey aur jab baari aayi payment ki tab oos kidnapper ne oos pani-puri waale ko gun dekhakar dara dia.

Jahaan mohit ko koi tension nahi tha aur yeh sab enjoy kar raha tha udhar mohit ke parents bahut pareshaan se hou gayye thhey ke unka beta na jaane kaise haalat mein hoga.

Raat ke 9:45pm ho rahey thhey. Woh kidnapper car drive kar raha tha. Mohit ne oos kidnapper se ek question karta hai-

Mohit : uncle, ek baat poochu ?

Kidnapper : haaan, poocho...

Mohit : jab aap mere tarah chote thhey tab aap school jaate thhey ?

Woh kidnapper achanak se car roukta hai-

Oos kidnapper ko mohit ke ees question se apna bachhpan yaad ajata hai aur woh kuch deyr ke liye onhi mein kho jata hai.

Mohit : uncle, ek baat batau... mujhe apne mummy-daddy ki bahut yaad arahi hai... mujhe ghar jana hai...

Kidnapper : agar tum ghar chale jaoge tou hum jo yeh game khel rahey hain yeh tou khatam ho jayega... aur tum hi batao, kya tumhe ees game mein maza nahi araha hai ?

Mohit : haan...

Woh kidnapper mohit ko kisi tarah chup karata hai aur car start karta hai.

[crYstal_in_love]

According to ght-one there will b a 20yrs leap in kghes(kyunki ghar hai ek sapna) and serial killer's kahiin toh hogaa is all set 2 go off-post dis jan.

will post more info. and viewing report soon !

[diipendu]

http://img93.imageshack.us/img93/8007/65491772bu8.jpg

[diipendu]

2 din esi tarah beet jaatey hain. Ek din jab woh kidnapper hamesha ke tarah car change karte hue kisi dusre ke car ko chori karke wahaan se mohit ko beetha kar bhaag gaya. Onke jaate hi woh car ka owner dauda-dauda wahaan aya.



Woh aadmi : oh no, oos car chor ko yeh bhi nahi pata hai ke car mein time-bomb hai... Jo 1hr. ke andar-andar fattne wala hai...




Udhar woh kidnapper car drive kar raha tha ke saamne checkpoint aane wala tha. Woh car ko roukta hai aur Mohit ko chhupne ke liye keh deta hai...

Checkpoint se kaise karke nikal jaane ke baad saamne ek hotel araha tha. Woh kidnapper car phir se roukta hai aur hotel ke andar jaata hai ek water bottle lene kyunki mohit ko paani chahiye tha. Mohit car mein beitha tha aur tabhi oski nazar back-seat ke peechey rakhey ek red-suitcase par padti hai... Mohit oos suit-case ko kisi tarah saamne ki aur kheechne ki koshish karta hai aur oos suitcase ko kholne ki koshish karta hai.

Udhar woh kidnapper water-bottle ley hi raha tha ke achaanak, ek DHAMAKA houta hai !...

[diipendu]

Checkpoint se kaise karke nikal jaane ke baad saamne ek hotel araha tha. Woh kidnapper car phir se roukta hai aur hotel ke andar jaata hai ek water bottle lene kyunki mohit ko paani chahiye tha. Mohit car mein beitha tha aur tabhi oski nazar back-seat ke peechey rakhey ek red-suitcase par padti hai... Mohit oos suit-case ko kisi tarah saamne ki aur kheechne ki koshish karta hai aur oos suitcase ko kholne ki koshish karta hai.


=======================


Udhar woh kidnapper water-bottle ley hi raha tha ke achaanak, ek DHAMAKA houta hai !...

Woh kidnapper daudkar baahar ke taraf jaata hai aur dekhta hai ke jis car mein woh mohit ko akele chorr kar aya tha oos car ka blast ho gaya... Woh kidnapper yeh sab dekhkar poori tarah se blank hou jata hai... Osey kuch samajh mein nahi araha tha ke achaanak se yeh sab kaise ho gaya ???

Kuch deyr baad wahaan Police aayi. Woh kidnapper police ke paas jaakar khara hou jata hai aur police ko sab bata deta hai. Oske baatein sunkar police osey toorant arrest kar leti hai.



-------------------



Police station mein oos kidnapper ko bahut maara jaata hai.

Aur aakhir mein woh kidnapper yeh accept kar hi leta hai ke osi ne mohit ko kidnap kia tha aur saath mein yeh bhi kehta hai ke -

Kidnapper : aaj mohit jaise bahut saare bachhon ko theek esi tarah kidnap kia jata hai magar oon bachho mein se zyadatar bachhe haadson mein maare jaate hain...

[diipendu]

Akhri Raat
===========



Yeh kahaani hai vallabhgarh ki. Bahut saal pehle, esi vallabhgarh ke raja chandrapratap ekdin achanak se marr gayye. Unke maut ka koi pakki wajah nahi mili aur aaj 20 saal baad osi vallabhgarh ke raja "Digvijay singh" hai.





Lougon ka maanna hai ke vallabhgarh mein vampires ka raaj hai. Raat houte hi wahaan har taraf sannata chha jata hai. Loug apne-apne gharon se bahaar nikalne se darrte hain. Yehaan tak ki loug tou mehel ke baare mein bhi bahut kuch kehte hain. Loug yeh kehte hain ke oos mehel ke ek room bahut saalon se bandd hai.





Koi nahi jaanta hai ke wahaan, oos room mein kya hai aur woh kyun bandd hai. Shayad eska pata raja digvijay singh ko hou???





Aaj Mumbai se ek journalist arahi hai "Mayuri". Mayuri ne abhi-abhi journalism mein kadam rakha hai. Mayuri ke boss ne osey mumbai se bahut dooorr, vallabhgarh ke raja digvijay singh ke interview lene ke liye kaha.




http://i82.servimg.com/u/f82/13/72/66/70/i_b_ak10.jpg
Gauri Pradhan as Mayuri Ghosh



Boss : main kuch nahi jaanta mayuri, tumhe yeh interview har-haal mein lana hoga! Afterall ees ek interview se humey bahut profit hoga!

Mayuri : okay sir, main yeh interview lene zaroor jaungi... Magar... Aapne jagah ka naam kya bataya?

Boss : vallabgarh...

-----------------------------


Mayuri jab vallabhgarh ka naam sunti hai tou woh soch mein padd jaati hai tabhi osey phone ata hai.

================


Mayuri phone recieve karti hai, osey phone se ek awaaz aati hai 'Vallabhgarh mein matt jana... ' Osey lagatar yeh awaazein aati rehti hain. Mayuri phone disconnect kar deti hai. Phirse phone ring hota hai.



Mayuri ko lagta hai ke koi hai jo mazaak kar raha hai. Mayuri ne eesbaar gusse se phone recieve kiya.


Mayuri : ( bahut gusse se ) kaun bol raha hai!





Tabhi pata chalta hai ke phone par shreya( mayuri ki choti aur ladli behen ) hai. Shreya 10 saal ki chulbuli aur natkhat bachhi hai jo ghar mein mayuri ki sabse pyaari hai.



Shreya : didi kya hua aapne phone kyun disconnect kar dia???

Mayuri : ohh.... Iam sorry shreya.... Achha tum yeh bataao ke aaj tumhara final exam tha na??? Kaisa gaya??? Aur saare questions exam mein kaise thhey???

Shreya : didi paper bahut easy tha kyunki aapne mujhe jo tution dia! Didi waise ab mere summer vacation shuru hou gayye hain aur aapne mujhe promise kia tha ke hum eesbaar kahin picnic mein jaayenge???

Mayuri : mujhe yaad hai, hmmmm... waise ek jagah hai...


Shreya yeh sunnkar excited houte hue-


Sherya : kaun si jagah???

Mayuri : vallabgarh...

Sherya : vallabgarh??? :( yeh tou naam se hi kitnaaa boring hai...

Mayuri : achha baba, main tumhe eske baare mein ghar aakar batati hu abhi mujhe bahut kaam hai...

Shreya : ok didi byeee

Mayuri : take care :)

----------------------

[diipendu]

Boss mayuri ko vallabhgarh ke kuch photographs dete hain. Mayuri oon photographs ko dekhkar phir soch mein padd jati hai.


Mayuri : ( mann mein sochte hue ) yeh jagah bahut hi ajeeb hai... Jahaan tak maine ees jagah ke baare mein pada tha, yehaan par vampires ke afhaa hain... Ab tou ees jagah jaakar hi maaloom karna padega...






Shaam ko Mayuri ghar pahuchti hai.

Mayuri Shreya se aaj oske exams ke questions discuss karne beith jaati hai. Shreya ke sou jaane ke baad Mayuri kal subah vallabhgarh jaane ke liye packing shuru kar deti hai.




Mayuri packing kar hi rahi thi ke tabhi ek locket girrta hai. Mayuri oos locket ko uthati hai aur dekhti hai. Woh locket rudraaksh thi.



Mayuri : ( mann mein sochte hue ) yeh locket?.............


Mayuri ne oos locket ko apne paas rakh lia.
==========================





Raat ke 12 bajj rahey thhey. Mayuri sou rahi thi, tabhi oske sapne mein ek jagah ka picture dikhayi deta hai jahaan sab taraf andhera hai, paas mein bahut hi sun-saan sa jungle hai. Ek mehel hai aurek bandd darwaaza. Achaanak se saamne ek daraavna chehra ata hai!


Mayuri ki neend khul jati hai aur woh uth jaati hai. Mayuri oos sapne ke wajah se bahut darri thi.



Udhar Vallabgarh mein itney raat ko jahaan har taraf sannata tha. Kahin doorr se ek bahut hi daraavni si awaaz arahi thi. Raja digvijay singh ke mehel mein bahut andhera tha.



----------------



Saalon pehle jab kisi ko jail houti thi tab oonko mehel ke basement waale area mein baney jail, jisey "Karagaar" bhi kehte hain wahaan bandd karke hunter se maara jata tha. Ab saalon baad wahaan basement waale area mein koi bhi nahi jata hai.

---




Magar itney raat ko, mehel ke osi basement se awaazein arahi thi. Wahaan oonhi vampires ka group maujood tha. Woh loug aaj khaas wajah se wahaan aaye thhey. Kyunki aaj amavasya ki raat thi, esiliye woh vampires wahaan hamesha ki tarah eksaath miley.